Нането е природен хибрид, настанат од зелен и воден вид. Тоа е повеќегодишна и една од најпознатите лековити билки која се употребува во медицината уште од многу одамна. Нането е ароматична билка која расте во висина од 10-120 цм со темнозелени листови. Се употребува против многу болести, тешкотии, воспаленија и инфекции, за чаеви, за подготвување на етерични масла, лекови, козметички препарати.
Постојат повеќе видови на нане: питомо, диво, англиско итн.
Нането:
Отстранува психички замор
Ублажува напнатост
Ефикасно лечи бројни тешкотии и инфекции
Помага за затегнување на ткивата
Отстранува главоболка
Се препорачува на луѓе кои помалку се движат бидејќи го разредува крвотокот.
Есенцијата се добива од листовите со дестилација со водена пареа.
Состав: Главна состојка на нането е етеричното масло кое содржи ментол, танини, флавоноид, горчливи материи и други корисни состојки.
Од широката палета на производи кои ги има Лимес, има многу кои содржат и нане во својот состав:
Босилекот е едногодишна, зелјеста билка која расне од 20-60 цм со разгрането стебло, темнозелени листови и цветови во зелена, бела и розова боја. Целото растение е многу ароматично и има пријатен мирис. Потекнува од Афричкиот континент. Босилекот е многу ценета билка заради своите лековити својства.
Состав: етерично масло, танин, сапонин и горчливи материи, флавоноиди, кафени киселини и сапонозиди. Во етеричното масло има естрагол, линалол, цинеол и уште многу други антисептички состојки (состојки кои спречуваат развој на микроорганизми). Есенцијата се добива од цветот и листовите. . Целото растение е лековито како и семето.
Покажува: антидепресивно и тонично дејство.
Босилекот има повеќекратна употреба, добар е и за надворешна и за внатрешна употреба.
За спречување на опаѓање на косата, за зајакнување на косата и нејзино побрзо растење, дава сјај на уморната коса
Поттикнува циркулација, делува на оживување на уморната кожа и дава сјај и го подобрува тонусот
Делува како средство за смирување, отстранува несоница, ублажува нервоза, влијае на подобрување на концентрацијата, смирува нерви
Помага во борба против акни
Ги зајакнува слабите нерви, има смирувачки ефект, ги зајакнува менталните функции и го отстранува менталниот замор
Босилекот е најпопуларна и најзастапена состојка во сите производи на Лимес. Се одгледува на плантажите на компанијата и прави една хармонија со екстрактите на другите билки во зависност од тоа за кој производ се работи.
Производи на Лимес во кои може да се сретне босилекот:
Ќелиите на кожата редовно се обновуваат: нашата кожа е потполно нова на секои 28 дена! Пилингот не само што ги отстранува мртвите ќелии на кожата, туку во исто време ја поттикнува циркулацијата. По пилингот кожата подобро ги впива производите за нега со што тенот станува поблескав и сјаен.
Пилинг кремата е наменета за сите типови на кожа. Посебно се препорачува за нега на сува, рапава и испукана кожа.
СОСТАВ:
Пилинг кремата во својот состав содржи висока концентрација на екстракт на камилица, какао путер, рицинусово масло и мелени лушпи од семки од кајсија
Благите, нежни и исклучително ефикасни, мелени лушпи од семки од кајсија ги отстрануваат изумрените ќелии од површината на кожата поттикнуваат обновување на кожата, ја враќаат свежината на кожата и ја оставаат чиста.
Екстрактот на камилица во својот состав содржи флавоноиди, кумарин и слуз кои ја смируваат кожата, го намалуваат црвенилото и знаците на фотооштетување на кожата, ја подобруваат текстурата и еластичноста на кожата. Екстрактот на камилица ја штити кожата од негативни надворешни влијанија. Навлажнувајќи ја кожата помага во зачувување на нормална и здрава функција. Има и антиоксидативно влијание, па е корисен и во превенција од стареење на кожата. Го намалува црвенилото предизвикано од УВ зраците. Дејството на екстрактот е смирувачко, освежувачко, тонизирачко, ја поттикнува гранулацијата и епителизацијата на ткивата, го намалува чешањето. Своето смирувачко и антимикробно својство во најголема мера го должи на бисаболол, хамазулен и флавоноидите.
Какао путерот ја штити кожата, го успорува губењето на водата, формирајќи бариерна заштитна обвивка. Создава заштитен филм на кожата, давајќи и мазност. Спречува сушење на кожата.
Нанесете ја пилинг кремата на чиста и сува кожа на лицето. Со благи кружни движења втријте ја кремата на кожата на лицето. Оставете кожата да ја впие кремата, а вишокот од лушпите од семки од кајсија отстранете ги по неколку минути. Пилинг кремата може да се употребува еднаш до два пати неделно.
Доколку имате прашање во врска со производот, или сакате да го нарачате, пополнете ја формата
Матрицариа потекнува од латинскиот збор матер – мајка што значи дека се употребува кај болести на жените. Камилицата е едногодишно растение со висина од 20-50цм. Лековит дел на камилицата се цветот и листот. Есенцијата се добива од цветот. Главна состојка е етеричното масло, па со самото тоа и лековитоста потекнува од него, но и од смолата, горчливите материи, танинот. Претставува едно од најдобрите, нештетни и неотровни средства против воспаленија на кожата и слузницата.
Камазулем е супстанција која на етеричното масло му дава карактеристична боја и големо антифламаторно дејство и способност за брзо зараснување на рани.
Екстрактот на камилица во својот состав содржи флавоноиди, кумарин и слуз кои ја смируваат кожата, го намалуваат црвенилото и знаците на фотооштетување на кожата, ја подобруваат текстурата и еластичноста на кожата. Екстрактот на камилица ја штити кожата од негативни надворешни влијанија. Навлажнувајќи ја кожата помага во зачувување на нормална и здрава функција. Има и антиоксидативно влијание, па е корисен и во превенција од стареење на кожата. Го намалува црвенилото предизвикано од УВ зраците. Дејството на екстрактот е смирувачко, освежувачко, тонизирачко, ја поттикнува гранулацијата и епителизацијата на ткивата, го намалува чешањето. Своето смирувачко и антимикробно својство во најголема мера го должи на бисаболол, хамазулен и флавоноидите.
Ги спречува гнојните воспаленија, го забрзува зараснувањето на раните, опушта.
Се употребува за лечење на разни изгоретини, чиреви, пликови, но и измрзнатини и инфицирани рани.
За плакнење на очи, уши, нос и уста за гаргара и воопшто за сите чувствителни органи.
Помага кај проблеми со акни, алергии и разни оштетувања на кожата.
Се употребува за плакнење на усната шуплина при забоболка.
Камилицата може да ублажи нервна напнатост, анксиозност, стрес и депресија.
Добро делува и против астма и кај воспаленија на синусите.
Природен аналгетик е, а нејзиното противалергиско делување може да се употреби со вдишување на нејзината пареа. Етеричните масла на камилицата се употребуваат кај конјуктивитис и за масажа пред се за сува и испукана црвена кожа.
Камилицата е лек за се, посебно кога станува збор за децата.
Купките на база на камилица делуваат смирувачки и имаат извонредно влијание на целиот нервен систем.
Кремите на база на камилица на кожата и даваат сјај и здрав изглед, а шампоните со екстракт на камилица се одлични пред се за лица со светла коса, косата добива убав мирис и сјај.
За лечење на разни оштетувања на кожата, акни и алергии, најдобри се кремите на база на камилица, а при тоа се отстрануваат и бактериите и габичките кои се предизвикувачи на болести.
Камилицата може да ја најдеме во составот на голем број производи на Лимес:
Невенот е билка која подмладува и со друго име лек за кожа и рани. Завзема завидно место меѓу домашните лековити билки. Расне од 30-60цм висина. Цветовите се од жолта до портокалово-жолта боја. Целото растение е со ситни влакненца, стеблото, цветовите и листовите се ароматични и лепливи на допир.
Постојат два вида на невен. Но и двата вида се подеднакво лековити. Се бере во лето и тоа само зрели цветови. Лековити се цветот, стеблото и листовите. Лимес во своите производи вградува екстракти од цветот на невенот. Цветот се бере исклучиво на сончево време, со оглед на тоа што тогаш лековитоста на билката е најголема. Цветовите потоа се носат во сушара за сушење. Екстрактот се добива од суви цветови кој понатаму се вградува во производите. Екстрактот од цветот на невен е богат извор на лековити состојки.
Содржи: 0.2-0.3% етерично масло во кое преовладуваат сесквитерпени, масла, каучук, смоли, шеќер, белковини, фитостероли, салицилна киселина, ензими. Се користи за надворешна но и за внатрешна употреба.
Делува како антифлогистик- лечи воспалителни процеси. Интерната употреба се засновува на антифлогистичкото дејство (лечење на воспалителни процеси) и спазмолитично дејство (го опушта тонусот на мазната мускулатура). Делува антиканцерогено кај болести како рак на кожа, материца и грло.
Невенот е бактерицидна билка и служи како антибиотик:
Делотворен е кај болести на вените
Го поттикнува потењето, го зголемува лачењето на мокрача, смирува грчеви
Добар е за зајакнување на имунолошкиот систем
Рани кои тешко зараснуваат, за смирување на воспаленија
Кај гнојни рани и исеченици
Помага во лечење на псоријаза, кај чиреви, измрзнатини, изгоретини, габични заболувања, херпеси, дамки на кожата, старечки пеги, брадавици.
Полезен е за лица кои имаат проблеми со:
Циркулација
Црвенило на кожата на лицето
Измрзнатини
Ревматизам
Изгоретини
Шинување и повреди
Дерматизам
Стрии, лузни
Занимливости: Доколку ливчињата на невенот во 7 часот наутро се сеуште затворени се знаело дека тој ден ќе врне дожд, поради тоа невенот се сметал како претскажувач на дожд.
Во составот на голем број производи на Лимес невенот завзема централно место:
