Блог

Зошто да се свртите кон моќта на билките, зошто да користите природни производи наспроти целата хемија која ја среќаваме секојдневно во маркетите? Прочитајте на линкот во делот блог.

dobredojde sonce moe dizajn

Добредојде сонце мое

Со овие зборови најчесто мајките си ги поздравуваат своите новородени дечиња. Секогаш велиме сонце мое, или ангелу мој, или животе мој. Сите зборови го значат токму тоа. Секое новороденче за својата мајка е најсветлотото и најтоплотото нешто на крајот од тунелот. Тоа е ангел небески, пратен од Господ да ни даде надеж и среќа. Тоа е нашето СЕ, нашиот живот. Без него ниту едно семејство не е комплетно. Двајца се пар, но за вистинско семејство минимумот е три.

Dobredojde3

И нема посреќни луѓе на земјата од оние кои штотуку дознале дека станале родители. Но во исто време тие се и најнесебичните луѓе. Тоа е момент кој секогаш сакаме со сите да го споделиме. Сакаме да се пофалиме, да ја споделиме среќата со сите, сакаме дел од нашата среќа да пренесеме некому.

Dobredojde2

Како најдобро ќе ја споделите среќата со најблиските?

Се разбира со порака која ќе им ја пратите на сите што нешто Ви значат во животот. Но и тука може да внесете нешто свое и уникатно. Наместо на секој посебно да му одговарате како изгледа бебето, колку е долго, колку е тешко, кога точно се роди…. ?, Вие бидете уникатни и внесете малку неодоливост. Нека сите што ќе ја видат пораката кажат: Леле колку е слатко, колку е прекрасно, колку е неодоливо! Нека сите го видат со Вашите очи новото чудо во Вашиот живот.

Dobredojde4

Една слика илјада збора велат

Ви препорачуваме да подготвите едно метро, еден часовник и еден тег. А може да ставите и календар од тековниот месец. Купете и дрвени коцки со букви, со кои ќе го испишете името на бебето. А потоа само чекајте да се роди главниот актер. Сликајте го и вметнете ја сликата на претходно сликаните метро, тег, часовник и календар. Потоа до метрото напишете колку долго се роди, до тегот колку килограми се роди, а на часовникот наметете ги стрелките во времето кога се роди. На календарот заокружете го датумот. Доколу ова е премногу комлицирано за Вас, моеже да му ја дадете сликата на професионалец кој ќе го направи дизајнот за Вас.

Не заборавајте најдоле со коцките да го испишете името. И така со една единствена слика Вие сте одговориле на сите прашања околу раѓањето на бебето.

Посакајте му добредојде на малото ангелче со дизајн кој вечно ќе го паметат сите, а Вас ќе ве остава без збор секогаш кога ќе ја погледнете.

Continue Reading Добредојде сонце мое – дизајн за спомен

Inovativna cucla lazalka

Го добивте долгоочекуваниот подарок, деветмесечната неизвесност заврши, ама дојдоа на ред долги и непроспиени ноќи. Бебешкиот плач не Ве остава да дремнете. Тој е навистинa музика за Вашите уши и најсветла ѕвезда за Вашите очи.

Но доста од поезија. Секој има потреба од одмор, па и Вие. Не се срамете да си го признаете тоа. Тоа не значи дека помалку си го сакате детето, туку значи дека навистина Ви трееба еден добар одмор, за да можете да продолжите со турбо темпо наредните денови и ноќи. А како поинаку ќе имате сили да го држите малото во прегратка, да го доите, да го гледате и да му се восхитувате.

Inovativna cucla lazalka 2

Бабите се тука за да помогнат, но тоа е час или два. Таткото е тука да помогне, но и тој бара одмор од напорната работа. За сите Вас, имаме еден супер предлог: цуцла лажливка. Некои од Вас можеби ќе речат не е во ред, не е медицински исправно. Ама верувајте сите сме поминале низ истото, и сите ние барем еднаш во животот сме имале цуцла во устата, за да не залаже и замолкне. Таа мала лажливка ја благословува секоја мајка.

Порано беа досадни, обични, едноставни, но си ја вршеле работата. Но денес, верувале или не, има толку интересни и невообичаени, што и Вас ќе ве насмеат секогаш кога ќе го погледнете малото ангелче. А кога Вие се смеете наместо да сте изморена, тоа е најубавиот подарок за Вашето мило чедо. Вашата радост е музика за неговите уши, и ја буди неговата насмевка.

Во продавниците за бебешка опрема има најразлични забавни, иновативни цуцли. Некои се во форма на уста со големи заби, некои се со мустаќи, некои имаат форма на забите на Дракула. Има и такви со нацртана црвена привлечна усна на цуцлата. Па малата принцеза личи на мала заводничка.

Inovativna cucla lazalka 3

Пронајдете ја во Вас креативната страна и набавете уникатна цуцла лажливка за Вашето детенце.

Еве уште еден интересен предлог. Поставете го детето со цуцлата пред огледало. Ве уверуваме дека ќе се забавува барем триесет минути со лажливката. А толку мнооогу време, Вас ќе ви овозможи да ги одморите малку нозете, рацете и главата. Пробајте, забавно е и за Вас и за децата.

Секако дека иновативната цуцла лажалка е прекрасен подарок заедно со останатите неопходни бебешки аксесоари за повојница, роденден, па дури и како мала шега за Вашата другарка или другар. Ќе му остане како дел од маска за први април.

 
Continue Reading Иновативни цуцли лажалки за малите ангелчиња

Алантоин е бел прав без мирис. Хипоалергиски и, нетоксичен и сосема е безбеден за употреба. Тој е одобрен од ФДА за привремено спречување и заштита на расечена и испукана кожа, со забрзување на природните процеси и зголемување на содржината на вода. Наменет е за секој со сува кожа која чеша,  за смирување на кожата. Алантоинот не само што смирува туку има и навлажнувачки ефект. Ако барате состојки против стареење, алантоинот е оној што вреди да се разгледа.

Алантоин е хемиско соединение со формула C4H6N4O3. Исто така се нарекува 5-уреидохидантоин или глиоксилдиурид. Тоа е диуреид од глиоксилна киселина. Алантоин е главен метаболички медиум во повеќето организми, вклучувајќи животни, растенија и бактерии. Се произведува од урична киселина, која сама по себе е деградационен производ на нуклеински киселини, со дејство на уратска оксидаза (уриказа).

Алантоинот се наоѓа во растенија како камилица, никулци од пченица, шеќерна репка и комфри растение, како и во урината на повеќето цицачи.  Хемиски синтетизирани дел алантоин, која е хемиски еквивалент на физички алантоин, е безбеден, не-токсичен, компатибилен со козметички суровини и ги исполнува CTFA и JSCI барања. Над 10.000 патенти се однесуваат на алантоин.

Allantoin1

Корисни ефекти на алантоин како активна состојка во козметиката

Традиционално, лисјата од comfrey растението кое содржи алантоин, се користеле во традиционалната медицина за да помогнат во лекување на помали повреди на кожата и отоци, а денес оваа  состојка се користи за лекување на рани, егзема, изгореници, псоријаза, воспаление на акни и сл. Сето ова е поради брзиот регенерирачки ефект на клетките што го стимулира растот на здравото ткиво, што го овозможува алантоинот

  • Алантоинот исто така делува и како антиоксиданс, поттикнувајќи регенерација на нови клетки
  • Ексфолирачки и кератолитички ефект со што овозможува  десквамацијата на горните слоеви на мртвите клетки на кожата, што и дава на кожата младешки сјај
  • Овозможува хидратација. Алантоин спречува TEWL (трансепидермално губење на вода) и може да ја задржи водата во клетките на кожата. Може да направи вашата кожа повторно да се чувствува помека
  • Навлажнувачки својства, па погоден е за третирање на сува, груба, лушпеста кожа која чеша, помали иритации на кожата (осип од пелена, изгореници на кожата од терапија со зрачење)
  • Омекнувачки ефект со што ја зголемува мазноста на кожата. Голем број на протеини и липиди природно се наоѓаат во надворешниот слој на кожата наречен кератинизација, ако ова излезе од рамнотежа, се произведува повеќе кератин од вообичаеното и се менува структурата на функцијата на бариерата, кожата станува груба и лушпеста и воспалена. Алантоинот по својата природа е кератолитичен, нежно омекнувајќи го кератинот, ја прави кожата мазна
  • Овозможува пролиферација на клетките. Промовира размножување на клетките и заздравување на раните
  • Смирувачки, анти-иритирачки и ефект на заштита на кожата со формирање комплекси со иритантни и сензибилизирачки агенси. Особено ефикасен е во бебешки креми, бидејќи алантоинот помага да се смири кожата и да се елиминира осип на пелена

 Allantoin-3D-balls  

  • Anti-age ефект.  Како што старееме, времето на транзит на клетките од основниот слој на епидермисот до горниот слој трае подолго, предизвикувајќи кожата да стане безживотна и сува. Алантоин со своето природно дејство за пилинг, помага при размножување на клетките, надополнување на осиромашената, сува кожа. Алантоинот исто така помага и во синтезата на колаген. Колагенот е влакнест протеин кој ги држи клетките на кожата заедно. Замислете го како лепак што ги држи клетките на кожата. Нивото на колаген се намалува со стареењето, поради што кожата попушта
  • Алантоин е спасител на косата. Неговите анти-иритирачки својства помагаат да се намали црвенилото и остава чувство на смирување на скалпот. Фактот дека алантоинот има активни кератолитички својства, значи дека е идеална состојка за борба против првутот; ги разградува големите честички во мртвите клетки на кожата. Исто така, помага да се подобри мекоста и еластичноста на косата, додека се подобрува сјајот

11. Амфотерично својство – реагира и како киселина, и како база. Во суштина, ова значи дека кога се користи во комбинација со разни други хемиски супстанции, ги неутрализира, што е одлично за да се избегне потенцијална иритација што може да биде предизвикана од други состојки, што го прави алантоинот одличен  за употреба во производи за чувствителна кожа

Студија за животни во 2010 година откри дека врз основа на резултатите од хистолошките анализи, мек лосион со 5% алантоин го подобрува процесот на заздравување на раните , со модулирање на инфламаторниот одговор. Студијата, исто така, сугерира дека квантитативната анализа дава поддршка на идејата дека алантоинот, исто така, промовира размножување на фибробластите и синтеза на екстрацелуларната матрица.

Една студија покажала дека само 0,2% алантоин додаден во козметички производ, покажа значително подобрување кај над 90% од жените со симптоми на црвенило и пукање.

Често е присутен во паста за заби и други производи за орална хигиена, во шампони, кармини, производи против акни, производи за нега на сонце, разни козметички лосиони и креми и други козметички и фармацевтски производи.

Allantoin3

Несакани ефекти на алантоин

Алантоин нема никакви несакани ефекти. Не е токсичен, безбеден е и одговара на сите типови на кожа. Дури и чувствителните типови на кожа можат да се одлучат за алантоин поради неговото смирувачко дејство врз кожата. 

Користена литература:

Allantoin: The wonder ingredient for the skin

Википедиа 

Continue Reading Алантоин

Неодермил е главна активна супстанца која ги поттикнува ензимите во кожата да го создаваат и го зголемуваат колагенот за околу 6%, еластинот за околу 11% додека длабочината на брчките се намалува за околу 15% , што го имаат покажано истражувањата.

Неодермил може да се смета за нов извор на биоенергија за вашата кожа. Тоа е метил глукозид фосфат и содржи аминокиселини лизин и пролин, како и метални јони на бакар. 

Ова е биоактивна состојка, слична на колагенот и има за цел значително да ја подмлади нашата кожа.

Оваа состојка е без конзерванс, составен дел од серумите и кремите, како и други производи кои работат на подмладување на вашата кожа. Добро е за брчки околу очите, но и за брчки околу усните, таканаречени насмевки, потоа брчки на челото и образите, како и брчки во пределот на вратот.

Неодермил зајакнува, регенерира, ревитализира.

neodermyl1

Се смета за инстантно решение за брчки бидејќи може да забележите дека кожата е помека од првата употреба, а за само две недели ќе забележите посериозни знаци на свежина на лицето и поцврста и затегната кожа.

Иако веќе знаеме за многу препарати, како што се колаген, хијалуронска киселина, коензим Q10 и ги сметаме за одлични, неодермилот се покажа како уште подобро средство против брчки.

Со постојано користење препарати кои содржат неодермил, тонусот на вашата кожа ќе се подобри значително и трајно. Ќе бидете посвежи и уморната кожа на лицето ќе изгледа поодморено. Ова е особено точно за луѓето кои се стари и кои поради некоја причина не се поддржувачи на каков било вид на инвазивни третмани за подмладување.

Најдоброто нешто за сето ова е што неодермилот се препорачува и за многу млада кожа, ако е уморна или дехидрирана. Можете да го користите дури и ако немате брчки – како превенција, и ќе биде подеднакво ефикасно кога станува збор за брчки кај средовечни луѓе.

Студии за неодермил
Студиите за неодермил покажаа дека тој е неприкосновен во борбата против брчките. Експертите сметаат дека е безбедна замена за лесно испарливите силикони затоа што, велат тие, има врвно испарливо однесување.

Ин виво тестовите покажаа дека неодермилот го стимулира производството на колаген во кожата, што е неопходно за силна и цврста кожа.

Неодермил стимулира тропоеластин за 57% и синтеза на еластин за 190%. Овие се два основни протеини неопходни за одржување на еластичноста на кожата.

Производот со 1% Неодермил ја зголеми цврстината на кожата за 12 пати и густината на колагенот за 7,5 пати за 15 дена во споредба со плацебо.

neodermyl2

Исто така, оваа состојка нема токсични елементи. 

Неодермил исто така ја елиминира лепливоста на кремот, односно лепливото чувство што кремот може да го пренесе. Се вели дека карактеристика на сите витамини кои се ставаат во кремите и серумите е дека се лепливи. Затоа, идеално е да имате неодермил во дневни креми и креми со СП фактор.

Оваа формулација ќе биде многу лесна и ќе и даде на вашата кожа се што е потребно, без непријатни несакани ефекти.

Ако ви треба крема за преку ден,  што нема да го направи вашето лице мрсно и која е добра како основа за шминка, а воедно и негува, тоа е тоа. Бидејќи е добро решение за денот, ќе биде и добро решение за ноќта. Освен ако не ви треба посилна ноќна хидратација.

Исто така Неодермилот е одличн е за лето, бидејќи освен што не е леплив, се однесува добро и кога има заштитен фактор. Ова значи дека е практично незаменлив во лето.

Неодермилот  нема колаген, но го стимулира неговото производство. За него се вели дека делува како природен колаген во кожата.

Постојните брчки се помалку видливи. Истражувањата покажаа дека само по неколку недели употреба, постојните брчки се помалку изразени.
Новите брчки се појавуваат поретко. Ако сте упорни и ги применувате овие препарати доволно често, вашата кожа ќе биде помазна и без брчки.

Безживотната кожа ќе биде поздрава и посјајна. Сите оние кои се борат со слаба хидратација можат да здивнат. Со користење на производот со Неодермил, кожата на лицето ќе биде потхранета и сјајна.

Сувата кожа ќе стане минато. Неодермилот е одличен за хидрирање на кожата, затоа без страв дека вашата кожа ќе биде сува.

Текстот е превземен од сајтот Minut za mene.

Continue Reading Неодермил

Б витамините се добри за кожата, косата, ноктите, како и за периферниот и централниот нервен систем. 

– Витамин Б1 (тиамин) го има во  интегрални житарки, тестенини и леб, квасец, млеко, црн дроб, риба, габи, грав, зеленчук, овошје, ореви, бадеми, соја. Значаен е за создавањето на енергија во телото. Влијае и врз работата на нервниот систем, срцето и другите мускули. При недостаток од овој витамин се јавува заболување бери-бери, а се јавува чувство на слабост, невролошки пореметувања, грчење на мускули, недостаток на апетит и др.

– Витамин Б2 (рибофлавин) го има во млеко и млечни производи, месо, житарки, црн дроб, соја, зеленчук, овошје. Значаен е за одржување на добар вид, создавање на црвени крвни зрнца, зачувување на силен имунолошки систем и нормално функционирање на нервниот систем. Ако на телото му недостига витамин Б2, често во аглите на усните можат да се видат испукувања во форма на рани. Исто така, можни се алергиски реакции и воспалителни промени на кожата.

– Витамин Б3 (ниацин) го има во квасец, кикиритки, месо, риба, јајца, цели зрна на житарки. Ја подобрува циркулацијата на крвта и го намалува нивото на лош холестерол. Исто така помага и во одржувањето на здрава кожа. При недостаток на витамин Б3 (ниjацин) симптомите се мускулна слабост, замор, губење на апетит, дигестивни проблеми и воспаление на кожата. Хроничен недостаток може да предизвика болест пелагра.

– Витамин Б5 (пантотенска киселина) го има во месо (црн дроб, бубрег), жолчка од јајце, цели зрна пченица, авокадо, ореви, кикирики, леќа, соја, кафеав ориз, брокула и млеко. Значаен е за одржување на здрава кожа, влијае врз работата на нервниот систем и помага при стрес. Недостаток од овој витамин може да предизвика симптоми како: повраќање, нервоза, абдоминална болка, мускулни грчеви, инфекција на горните респираторни органи и друго.

– Витамин Б6 (пиридоксин) го има во месо, црн дроб, квасец, риба, грашок, спанаќ, леќа, соја, јајца, банани, кикиритки. Помага при разградувањето на протеините и го одржува здравјето на нервниот систем. Недостатокот на витамин Б6 може да предизвика: слабокрвност, воспаление на кожата и јазикот, грчеви во нозете, раздразливост и несоница.

– Витамин Б7 (биотин) го има во пивски квасец, црн дроб, жолчка од јајце, печурки, бабани, кикирики, моркови. . Помага за нормализирање на нивото на шеќер кај дијабетичарите. Ги зацврстува ноктите и ја одржува косата здрава. Недостаток од витамин Б7 може да предизвика проблеми со кожата, пукање на нокти и губење на коса.

– Витамин Б9 (фолна киселина) го има во црн дроб, бубрези, зелен лиснат зеленчук, квасец, ореви. Помага при стрес и малаксаност. Учествува во создавањето на ДНК и ја подобрува крвта. Недостаток од витаминот Б9 (фолна киселина) се јавува кај бремени жени и кај алкохоличари. Голем недостаток на фолна киселина во организмот може да доведе до мегалобластична анемија.

– Витамин Б12  (кобаламин) го има во црн дроб, бубрег, школки, риба, јајца, млеко, сирење. Го зголемува апетитот и помага во превенцијата од анемија. Недостаток од овој витамин може да предизвика: замор, нередовна столица и запек, депресија, анксиозност, слабост, анемија, астма, заборавеност итн.

Continue Reading Б витамини

Не би сакала да мудрувам и да ви кажувам како тоа не треба да го фрлате отпадот каде ќе стигнете, како не треба да ги сечете дрвјата, па дури нема да ви зборувам ни за тоа колку ни е загаден воздухот од сите фабрики и автомобили.

За сето ова се зборува на долго и на широко. Јас би сакала да ве прашам нешто друго. Повеќето од вас се занимаваат со некаков спорт или пак одите на фитнес, аеробик, пилатес, зумба. Се храните со строг режим или барем припазувате каква храна внесувате. И вие мислите дека со тоа сте далеку поздрави од останатите.

Но не е баш така. Да, секако дека се си има свое влијание во квалитетот на животот. И секако дека треба да продолжите со тоа. Но дали некогаш сте се замислиле дали може да направите и нешто друго.

1. Каква купка или гел за туширање користите. Дали ја користите првата парфимирана купка која ќе ви дојде при рака? Или можеби користите природна еколошка купка или гел за тушиарње кој не само што не и штети на вашата кожа туку напротив ја релаксира, омекнува, не предизвикува алергии, а со самото тоа не треба да користите и лекови против алергија. После туширање задолжително користете некој ролон или дезодоранс кој нема да ги запуши потните жлезди, но ќе ја спречи непријатната миризба.

2. После напорен тренинг ве болат сите коски. Што е она што прво ви паѓа на памет за да ја ублажите болката. Претпоставувам таблета. Но има и такви кои користиме природни гелови против болка кои ја намалуваат болката, а при тоа не ја зацрвенуваат и не ја иритираат кожата. А истиот гел може да го користат и деца и возрасни, а при тоа одличен е и за намалување на температурата.

3. Пред да јадете претпоставувам дека миете раце. Но со што? Дали користите од оние јаки хемиски средства кои ја сушат кожата и ги оштетуваат ноктите, па воедно предизвикуваат и одредени кожни промени? Може да користите природни производи на база на билки кои мелемски делуваат на кожата. Концентрат за садови, течен сапун за раце, може да бидат и на база на билки. Пријатен мирис, одлично чувтсво на кожата, без иритација, тоа е реалност за оние кои ги користат ваквите производи секојдневно.

4. Се храните здраво, но со што ги миете садовите? Дали секој од нив го плакнете по 10 до 15 минути за да ја отстраните целата хемикалија? Искрено не верувам. Но има производи на база на босилек кои ќе ги светнат садовите и со ладна вода, а воедно ќе ги обезмастат и водоводните цевки. Од оние производи кои не содржат хемикалии дури и да остане некоја капка на чинијата, нема да ви наштети на вашето здравје.

5. Вашите деца додека се мали фаќаат секаде каде што ќе стигнат со рачињата. Со што го чистите домот? Дали користите средства кои мора да ги ставите под клуч и да ги криете од вашите дечиња бидејќе се толку штетни што дури и ракавиците ви се  дупнуваат од јаката хемикалија во нив? Дали паркетот и мебелот ги чистите со средства кои не смеат да ги допрат деца? Претпоставувам дека на голем дел од вас одговорот ќе биде ДА. Но има и средства кои ќе ви го олеснат животот. Не мора да ги криете толку, не мора да ги изнесувате децата надвор додека чистите со нив. Напротив може да му дадете на детето да си игра чистејќи го паркетот и мебелот со крпа на која сте капнале природно средство. Може да бидете спокојни дека нема да се отруе, нема да вдишува хемикалии туку напротив ќе се чувствува како во борова шума. Во исто време ќе стекне позитивна навика дека треба да помага дома.

6. Викендите најчесто се резервирани за чистење низ домот. Но кога ќе дојде ред да се чистат по замастени и запрљани површини, просто не ви се станува од кревет. Ќе ви треба можеби цел ден за да ја исчистите рерната, шпоретот, микробрановата, прозорите, тоалетот. Но може да го промените тоа. Да не се напрегате толку, со малку труд, со чистење без ракавици и маска, со средства кои се еколошки, на база на билки, денот може да се претвори во вистинска уживанција. Исчистете се за многу пократко време, со многу помал напор, и остатокот од денот посветете го на најблиските.

7. Ајде да видиме што користите за нега на косата. Дали користите најскапи производи кои се произведени од светски реномирани компании, но сепак ете можеби не ви одговараат. Или можеби пак го користите првиот шампон што ќе ви дојде при рака во маркетот. Постојат природни производи кои не се скапи, напротив се прилагодени на македонскиот пазар, кои се концентрирани, а со самото тоа и економични. Маски, балсами, лосиони, серуми и шампони за секој тип на коса и за секоја возраст, од најмали бебиња па нагоре, може да бидат и од билки, а не само од штетни хемикалии. Од дамнешни времиња нашите баби користеле билки за секаква нега на кожа и коса. Сега имаме фирма која тоа го прави за нас. Не мора вие да ги берете билките, постои цела армија на луѓе кои рачно ги берат билките, ги сушат, ги преработуваат и ни даваат готов производ кој е сличен на оној што го користеле нашите предци – квалитетен и природен.

8. А што е со негата на кожата. Користите скапа козметика или можеби најефтината во маркетот. Го читате ли некогаш составот на производите да видите колку хемикалии има во него. Дали читате за тие состојки да видите колку се штетни или корисни? Претпоставувам дека не. Немаме таква навика зашто животот го сфаќаме премногу здраво за готово. А така ги учиме и нашите деца. Сепак ви препорачувам малку да прочепкате на интернет за состојките од кои е направен вашиот омилен производ за нега на лице и тело. И само колку за информација, не така далеку од нас, постои фабрика за производство на производи кои се направени од билки берени на плантажите околу фабриката, која е лоцирана во една од најчистите еколошки средини на Балканот. При тоа фабриката се грижи да не ја загадува средината па дури и амбалажата која ја користи е еколошка.

9. Модерни се ботокси и филери за лицето да изгледа помладо. Но не сите сакаат да се боцкаат и да изгледаат вештачки. За нив постојат производи на природна база кои се благопријатни за кожата, ја подмладуваат, ги намалуваат постоечките брчки и спречуваат создавање на нови. И повторно без хемикалии штетни по здравјето. Да, верувајте и тоа е можно и тоа псотои повеќе од 20 години.

10.На крај последно правило. Негата на устата и усната шуплина треба да започне од најмала возраст. Каква паста за заби користат вашите дечиња. Дали користат комерцијализирана или пак некоја на база на билки. Бидејќи постојат и такви. Паста на база на билки, спреј за уста, водичка на база на ментол која во исто време може да послужи и за намалување на болката. Без разлика дали е болка на заб, дали е афта, или пак можеби боли непцето од каде треба да излезе новото запче. Истите производи може да ги користат и децата и возрасните. Пасти кои спречуваат кариес и парадентоза ги белеат забите, водичка која намалува и болка на зглоб, главоболка па дури симнува и температура.

Вие одбирате што ќе користите вие и вашите деца. Затоа направете правилен избор. Хемикалии или природни производи.

Ако вашиот избор е природни производи, повелете разгледајте ја широката палета од брендот Лимес ⇒ ПРИРОДНИ ЕКОЛОШКИ ПРОИЗВОДИ

Continue Reading 10 правила за поздрав и подолг живот

Зимата и пониските температури се идеални услови за појава на грип и настинки. 

Најчесто станува збор за болест предизвикана од вирус. Повеќе од 90% од сите респираторни инфекции ги предизвикуваат вируси. Бактериите како примарни причинители на инфекција се јавуваат во само 5-10% од случаите на сите респираторни инфекции. 

Но постојат над 200 различни видови вируси кои секоја година совладуваат голем број луѓе со различен степен на компликации и последици. 

Во најголем број случаи, прво се забележуваат симптоми на:

  • Заморот и недостаток на енергија се првите знаци на инфекцијата, а потоа следат
  • течење на носот
  • кашлање
  • кивање
  • црвено и болно грло
  • гребење во грлото
  • солзење на очите
  • а потоа и затнување на носот
  • покачена температура
  • треска
  • општа малаксаност
  • болки во градите
  • отежнато дишење
  • болки во мускулите
  • главоболка
  • губење на апетитот

Кај најголем број од заболените симптомите се повлекуваат за една недела од почетокот на болеста. Инфекцијата кај поголемите деца се манифестира со благи симптоми, кај новороденчиња или доенчиња како и кај постари лица и хронични болни, може да предизвика и компликации. Приближно еден од 20 случаи на настинка се развива во секундарна инфекција како што се бронхитис или синузитис. Сепак можни се и компликации во вид на астма, воспаление на белите дробови, воспаление на срцевиот мускул, воспаление на мозокот па дури и смрт. 

Кај сезонските грипови, инкубацијата трае од 1 до 5 дена, но најчесто симптомите се појавуваат веќе вториот ден. Најголем дел од лицата може да го пренесат вирусот на друг 1 ден пред да се појават симптомите и 5-7 дена откако болеста се манифестирала. Ова значи дека човек може да го пренесе вирусот пред да знае дека е инфициран. Исто така на сезонските вируси не се имуни ни децата, а посебно децата чии родители се пушачи, поголема веројатноста да имаат проблеми со настинка или кашлица. 

Потешка симптоматологија при грип е можна и кога прв пат ќе се инфицираме. Секоја година може да се разболиме од различен вирус кој предизвикува грип.

Новиот пак 2019-nCov  (и понатаму се именува по цел род вируси во кои спаѓаат и SARS-Cov 2002 и MERS Cov 2013) корона вирус (појавен во Вухан, Кина, декември 2019) КОВИД 19, се карактеризира со сува кашлица и скратен здив, што укажува на тоа дека инфекцијата го зафатила долниот респираторен тракт, што може да доведе до:

  • тешка пневмонија, зависно од имунолошкиот систем на заболениот може да доведе до инхибиција на функцијата на белите дробови, па заболениот да има потреба од механичка вентилација – респиратор, 
  • може да ги зафати бубрезите
  • кардиоваскуларниот систем.

Не е исклучена можноста заразениот со вирусот да не покажува никакви специфични сипмтоми, но сепак да е носител и со самото тоа може да зарази некој друг кој ќе има многу потешки симптоми и последици дури и смртен епилог, ако имуниот систем му е послаб.

Периодот на инкубација на корона вирусот трае од 1 па се до 24 па и 27 дена, иако најчесто е 14 дена. Се смета дека луѓето се заразни пред крајот на периодот на инкубација, непосредно пред почетокот на симптомите, како и додека симптомите се видливи и таа личност се чувствува болна. Ковид-19 е значително позаразна болест од останатите сезонски грипови, бидејќи секој инфициран во просек заразува 2,2 лица, а за повеќето видови на сезонски грип оваа бројка е околу 1,3. Токму затоа на 11.03.2020 генералниот секретар на СЗО прогласи пандемија на КОВИД 19.

Се сметаше дека резервоар на вирусот се лилјаците но со сигурност сеуште не е утврден интермедиерниот домќин, а поновите извори сугерираат дека резервоар е локално кинеско животно со кое најмногу се тргува илегално и примарно заради неговиот оклоп. Се пренесува од човек на човек, и досега не е докажано дека домашни миленици, можат да бидат заразени со новиот коронавирус.

КОВИД 19 најчесто ги зафаќа постарите лица, посебно оние со хронични болести. Природно, најсилен имунитет имаат децата од околу 10-12 години. 

Раните симптоми на алергија, настинка, сезонски грип и корона вирус може да бидат многу слични. Особено почетните фази може да бидат речиси идентични, а кај некои случаи се толку благи што воопшто не се ни забележуваат.

Затоа треба да се одговори на одредени прашања од типот дали сте биле во некоја од ризичните земји? Дали сте имале контакт со лице кое е заболено од корона вирусот? Па соодветно на одогворите ќе се превземат мерки што понатака. Секако и да се установи дека е „обичен сезонски“ грип на кој сме навикнати, а не корона вирус, треба да бидеме претпазливи и да превземеме мерки на време, бидејќи сезонските грипови ги напаѓаат сите возрасти и исто така знаат да дадат тешки последици.

Начини на пренесување на вирусите

За да заболиме од грип мораме најпрво да дојдеме во контакт со вирусот:

  • по директен пат – преку директен контакт со респираторен секрет од болниот кој се распрскува во вид на ситни капки преку кивање, кашлање, зборување
  • по индиректен пат – преку допир на загадени површини и предмети каде има останато траги од вирусот или по пат на поздравување а потоа допирање на уста очи или нос со загадените раце.

Превентивни мерки за заштита од корона вирусот и останатите сезонски грипови

  • Често темелно миење на рацете со сапун и вода околу 20 секунди и задолжително внимавајте на задниот дел од рацете и просторот помеѓу прстите. Употребувајте топла вода. Практикувајте течен сапун, бидејќи на обичниот можно е да бидат насобрани бактерии. Ако немате вода и сапун при рака, тогаш користете дезинфициенси кои содржат минимум 60% алкохол.  
  • Кога кивате или кашлате користете марамче за една употреба и веднаш фрлете го во корпа со капак, а доколку немате марамче покријте ги устата и носот со раката свиткана во лактот. По употреба на марамче веднаш измијте ги рацете или дезинфицирајте ги со дезинфициенс.
  • Оддалеченост од барем 2 метра од соговорникот бидејќи микроскопските честички кој го содржат вирусот се тешки и паѓаат на површина, најмногу на 1 метар откако ќе бидат исфрлени во воздухот
  • Да не се допираат очите, носот и устата со валкани раце. Еднократните хируршки маски се користат за да се спречите себеси да ги допирате носот или устата (бидејќи просечно ги допираме барем 90 пати дневно), доколку сте во постојан контакт со луѓе на растојание помало од барем 1 метар. Штом еднаш ќе ја носите маската, треба да ја сметате за валкана и треба да ја извадите без да ја допирате внатрешната страна и да ја фрлите (содржината на вашето дишење се лепи за маската правејќи им неодолив повик на бактериите). Епидемиолозите нагласуваат дека подобра заштита од маските е редовното миење на рацете и избегнување на контакт со лица кои киваат и кашлаат.
  • Носете маска ако имате симптоми на грип или ако сте здрави, но имате контакт со постари лица од некоја од ризичните групи
  • Ракавици за еднократна употреба се користат при пазарење, користење на бензиска пумпа и сите останати активности надвор кога може да дојдете во контакт со потенцијално контаминирани подрачја.
  • И облеката која сте ја носеле може да ги пренесува вирусите до седум дена, затоа секојдневно перете ја на висока температура
  • Избегнувајте физичко поздравување со соговорникот и било каков близок контакт  (повеќе од 15 минути лице в лице со инфицирано лице; живеење во ист дом со инфицирано лице. Овој вирус (САРС-КоВ-2) се пренесува преку капков пат и преку уста, со помош на контаминирани раце, предмети (со назофарингеален секрет или измет). Значи не може да се заразите ако само поминете покрај некој заразен на улица.
  • Не патувајте никаде додека сте болни, самоизолирајте се
  • Избегнувајте масовни собири, трговски центри, спортски терени, фестивали
  • Користете ги зглобовите на прстите кога повикувате лифт или кога палите светло во јавни простории, а потоа задолжително измијте ги рацете или дезинфицирајте ги со дезинфициенс
  • Вратите во јавните тоалети отворајте ги со лакт доколку е тоа возможно или користете ракавици. Слична претпазливост е потребна и со туѓи лични предмети како што се телефони, таблети, тастатура, но и при подигање пари од банкомат или пиење кафе од кафемат. Важно е рацете да се мијат или дезинфицираат и доколку допрете места кои дневно ги допираат многу луѓе, како што се копчиња од лифт или кваки од врати. При пазарење, користете заштитни ракавици. И не заборавајте да не го допирате лицето додека не ги измиете или дезинфицирате рацете
  • Кога времето тоа го дозволува, отворајте ги прозорците дома и на работа. Вирусите не можат долго во проветрени простории. Од друга страна пак при седење во затворени простории сувиот воздух ја суши слузокожата со што се овозможува лесен влез на вирусот во телото
  • Дома сменете ги сите пешкири и крпи за раце и заменете ги со чисти така што секој член на семејството да ги користи само своите. Да се менуваат најмалку два пати неделно или уште подобро ако сте во можност да користите хартиени бришачи за раце. И задолжително почесто дезинфициарјте ги сите површини особено рачката од фрижидерот,  далечинскиот управувач, тастатурата од компјутерот и други предмети кои ги допира целото семејство
  • Не делете прибор за јадење ни чаши со ниту еден член од семејството
  • Ако дома имате свој човек со треска, средбите нека бидат колку е можно по ретки и да минат со маски и ракавици за еднократна употреба. Ако треба да го измиете, правете го тоа со ракавици а потоа избришете го со хартија за еднократна употреба. И таа и гумените ракавици и маските треба да се отстрануваат крајно внимателно и веднаш да се ставаат во кеса која може да се затвори, а потоа да се фрлат. Носете долги ракави ако му помагате да се движи. Доколку просторот тоа ви го дозволува, заболениот нека биде во засебна соба. Редовно проветрувајте ја таа просторија и редовно дезинфицирајте ги сите површини со дезинфициенс. Не дозволувајте многу посети и ограничете ја посетата на 1 посетител во собата. Изолирајте ги децата на сосема друга страна да не доаѓаат во контакт со болниот.
  • Редовна дезинфекција на сите површини. Се уште не е познато колку долго преживува 2019-nCoV на површини, иако првичните информации сугерираат дека овој вирус може да преживее неколку часа, но се смета дека останатите хумани корона вируси можат да опстанат на инертна површина на собна температура до девет дена, додека на повисока температура, побрзо се уништуваат вирусните честички. Се смета дека корона вирусите не преживуваат долго на предмети, како што се писма или пакети.
  • Проф. д-р Нада Кујлиќ Капулица тврди дека коронавирусот припаѓа на онаа група вируси кои се исклучително чувствителни на висока температура и дека инфективноста се губи за само половина час на температура од 56 степени. На ниска влажност и повисоки температури овој вирус уште побрзо престанува да биде инфективен. Се уништува со стандардните дезинфекциони средства со минимум 70% алкохол, затоа е потребна редовна дезинфекција на сите површини до кои имаат пристап поголем број луѓе. Подобро поднесува кисела средина (pH 6-6.5). Брзо се неутрализира со УВ-зрачење (кварцање со посебни лампи) – наведува проф. д-р Нада.

Како да го подобрите имунолошкиот систем

  • Користете Витамин Ц како и суплементи со цинк, препарати на база на прополис, ехинацеа, мед, ѓумбир, лук и сл. за подобрување на имунитетот. Антибиотиците не делуваат на вирусите, само на бактериите, затоа не ги земајте на своја рака без консултација со доктор.
  • Вежбајте барем 30 минути дневно, излезете на чист воздух
  • Јадете балансирана храна со проверено потекло, и задолжително убаво термички обработете ја храната од животинско потекло и не консумирајте храна од болно животно. Пред подготовка на храната рацете задолжително измијте ги или дезинфицирајте ги, користете заштитни ракавици и маски (по потреба ако сте болни) при подготовка на храната, и на крај пак темелно измијте ги рацете. Да се земаат свежи продукти богати со витамини и минерали, најдобро овошје и зеленчук кои му се неопходни на организмот. Особено се пожелни продукти богати со витамин Ц (цитрони, лимони, портокали, пиперка). Препорачливо е користење на печурки, брокула, целер, лук, кинеска зелка,  куркума, оригано и чили, мед, цимет…
  • Пијте доволно течности (воздржете се од кофеин и алкохол затоа што извлекуваат повеќе течност од телото отколку што останува откако ќе ги испиете). Пијте повеќе топли напитоци како чаеви, супи, како и овошни цедени сокови, смути, вода со лимон и сл.
  • Спијте доволно – ви треба повеќе спиење и одмор, за да може вашето тело да се бори против вируси и да ви помогне да се излечите. Нашето тело се регенерира, опушта и смирува во текот на спиењето. Погрижете се вашето дете да има доволно дневен сон. Експертите врз база на истражувањата, препорачуваат 11 часа сон за претшколски деца, 10 за школски и 9 часа сон за тинејџери, и барем 7 часа за возрасни 
  • Откажете ги цигарите ако сте пушач. Пушењето ги зголемува шансите да се разболите, бидејќи создава промени во респираторниот тракт и го нарушува имунолошкиот систем. Дури и седењето во задимена просторија ви ги зголемува шансите за разболување. Димот ги надразнува и дишните патишта и на тој начин ја зголемува осетливоста на респираторниот систем кон вирусите кои ја предизвикуваат инфекцијата
  • Намалете го стресот колку можете затоа што и тој го соборува имуниот систем.

Корона вирусот претставува најголем ризик за постари лица над 65 години и за хронично болните

Имунитетот слабее со возраста, што ги прави лицата постари од 65 години изложени на поголем ризик од компликации споредено со помладите здрави лица. Освен возраста исто така зголемен е ризикот кај хронични болни и тоа:

  • Хронични респираторни заболувања:

– ХОББ – Хронична опструктивна белодробна болест – J44

– Астма – J45

– Интестицијална фиброза – Ј84

  • Тешки кардиоваскуларни заболувања:

– Срцева слабост со EF<40

– Акутен миокарден инфаркт до 3 месеци

– Срцеви заболувања со тешка пулмонална хипертензија

– Тешка аортна и митрална стеноза

– Воспалителни заболувања на срце (миокардит, ендокардит) < 6 месеци

– Имплантиран пејсмејкер или срцев дивајс до 3 месеци

– Длабока венска тромбоза до 3 месеци

  • Дијабетес мелитус:

– Дијабетес тип I – инсулин зависен

– Дијабетес тип II на инсулинска терапија со коморбидитети: Миокарден инфаркт, церброваскуларен инсулт, стеноза на периферна циркулација и ХБИ

  • Сите малигни заболувања – C00-C97
  • Имунокомпромитирачки состојби:

– Состојба по трансплантација на бубрег – Z94.0

– Хроничен нефротичен синдром – N04.9

– Интермитентна хемодијализа – Z99.2

– Состојби со биолошка или комбинирана имуномодулирана терапија – M05, M06, M45.00

– Некротизирачки васкулопатии, системски еритематозен лупус, дерматополимиозит, системска склероза – M31 – M34.

Во моментов вакцинација против корона вирусот нема, има само за останати сезонски грипови и секако е препорачлива посебно за постари лица и хронични болни, секако во консултација со матичниот доктор. 

Затоа избегнете ја колку можете посетата на постари личности и на хронично болни, посебно не дозволувајте вашите деца да имаат контакт со нив, за да ги заштитите постарите. 

Посета на лекар е задолжителна ако имате поголеми потешкотии, но ако се сомневате само на сезонски грип, доволно е да се придржувате на упатствата од докторите, да седите дома, да го подобрите имунитетот и да се потрудите да не ги заразите останатите членови на вашето семејство.

Секако ако се сомневате дека сте заразен со корона вирусот, веднаш јавете се на телефоните за таа намена и известете ги службите.

Вашето здравје и здравјето на вашите блиски зависи од вашата информираност и одржување на лична и колективна хигиена. Бидете свесни дека не сте важни само вие туку и оние на кои може да им го пренесете вирусот. Вие можеби и ќе се извлечете со полесни симптоми, но некој со послаб имунитет може да заврши фатално.

Continue Reading Како да се заштитиме себе си и другите од вируси вклучувајќи го и КОВИД 19

Првутот е голем естетски, а со самото тоа и психички проблем со кој се соочува 1 на секои 5 луѓе на планетава, што е навистина многу. Тој не е воспалителен по природа но често пати е извор на дополнителни проблеми. Првутот (Pityriasis capitis) е всушност лесна форма на себороичен дерматит и се карактеризира со лесно до умерено  десквамирање (лупење)  на скалпот, без знаци на инфламација (воспаление). Се појавува кога ќе се скрати процесот на обновување на клетките на кожата на главата (регенерација), што доведува до забрзано лупење на рожнатите клетки на кожата, кои потоа се лепат и создаваат видливи лушпи.  Првутот не влијае на целокупното здравје и не е заразен, повеќе предизвикува депресија и комплекси кај оној кој го има. Почесто се појавува кај мажите, најверојатно поради хормоните.

Најчест предизвикувач на првутот е габичката Malassezia furfur која спаѓа во нормална микрофлора на скалпот, но под дејство на одредени фактори, се интензивира (настанува прекумерна репродукција на габата) и предизвикува лупење на кожата познато како првут, но и микроинфламации на масните подрачја на главата, што доведува до чешање и не ретко оштетување на фоликулите на влакната и нивно опаѓање.

Од почестите фактори кои предизвикуваат првут ќе ги спомнеме:

  • Неправилно миење на косата и чешлање – потребно е темелно миење со не многу врела вода, 2-3 пати неделно со соодветен шампон и обавезно чешлање со чешел кој не е премногу остар
  • Употреба на несоодветни козметички производи кои ја иритираат кожата и содржат силикони, парабени и други хемикалии (како лак, гел и други спрејови)
  • Долго време употреба на еден ист шампон кој предизвикува пречувствителност на кожата
  • Физички и емоционален стрес кој влијае на ендокрините жлезди
  • Временски услови – во есен и зима има тенденција да ескалира (почесто се појавува)
  • Наследна (генетска) предиспозиција
  • Егзема, псоријаза, Паркинсонова болест, премногу сува кожа
  • Нездрава исхрана – конзервирана храна, слатки, зачинета, пржена храна. Се препорачува исхрана со протеини, витамини (овошје), млечни производи, внесување на цинк во исхраната
  • Гастроинтестинални проблеми пропокачено ниво на бактеријата helicobacter pillory во крвта
  • Хормонални проблеми – зголемена продукција на себацеалните жлезди

СИМПТОМИ

  • Лупење на кожата, сквами
  • Чешање
  • Дехидрирана коса

ПОСЛЕДИЦИ

  • Емоционално нарушувае
  • Опаѓање на косата
  • Фоликулити и бактериска инфекција
  • Црвенило на кожата

ВИДОВИ НА ПРВУТ

Постојат 2 вида на првут, сув и масен.

Сувиот перут настанува кога кожата на главата е премногу сува, настанува чешање, наслагите се лесни и се распрскуваат по целата коса па таа изгледа сува и дехидрирана

Масниот првут настанува како резултат на зголемено лачење на себум, при што наслагите од првут се распоредуваат по целиот корен на косата и ја прават мрсна и сјајна.

ПРЕПОРАКА

Хигиена на скалпот 2-3 пати неделно со специјални шампони кои може да содржат:

  • цинк кој го намалува размножувањето на габата;
  • јаглен, сулфур, салицилна киселина кои имаат изразен ексфолирачки ефект и одлично го чистат скалпот од наслагите;
  • кетоконазол кој има антифгунгално дејство,
  • Selenium sulfide кој ја намалува продукцијата на природните масти на скалпот;
  • Октопирокс е антисептик кој ја забавува забрзаната репродукција на клетките;
  • билки за ублажување на симптомите на чешање, како невен на пример.

Повеќето од овие состојки имаат противвоспалително дејство. Ефективните средства против првут мора да содржат антифунгални состојки во нивниот состав, без разлика дали првутот е предизвикан од габичка или не, бидејќи многу често подоцна знае да се развие и таа.

Препораката е да се втрие убаво шампонот со лесна масажа и да се остави да отстои неколку минути пред да се исплакне. Исто така не се препорачува употреба на ист шампон многу долго време, за да не стане кожата премногу чувствителна на истиот. Користете квалитетени шампони исто како што користите квалитетни креми за лице на пример. Понекогаш кога немате првут, може да промените и да користите некои поблаги шампони па дури и бебешки за да ја одморите главата.

Употреба на козметички производи на база на билки збогатени со некои од состојките против првут, би било идеално решение.

Наша препорака е да го пробате шампонот против првут од Лимес кој дефинитивно покажал одлични резултати кај сите кои го користеле.

 
Continue Reading Првут, естетски и емотивен проблем
hyperhidrosis

Хиперхидроза – прекумерно потење и непријатна миризба

Потењето е нормален физиолошки процес чија цел е да ја регулира телесната температура на организмот и делува како одбрамбен механизам кој го штити организмот од прегревање. Всушност кога надворешната температура е значително висока, телото преку потењето се лади. И тоа е процес кој ние не можеме свесно да го контролираме. Токму поради тоа што процесот на потење е регулиран од централниот нервен систем, некогаш при состојби на стрес, возбуда, страв, нашиот организам испраќа сигнали до централниот нервен систем дека сме во некаква опасност при што лачењето пот е одбрамбен механизам.

hyperhidrosis1

Преку потта од нашето тело се лачат токсични материи што настанале како нуспродукт во процесите на метаболизмот. Потта содржи 99% вода и 1% органски и аноргански материи. Излегува од потните жлезди, кои се распоредени по целото тело, но најмногу под пазувите, на дланките, на стапалата, под градите. Водата од потта механички ја чисти кожата и ја зголемува нејзината влажност и ја дава потребната масност. Влажноста на дланките овозможува подобро функционирање на рацете па затоа кога постои сувост на кожата имаме потреба дополнително да ги навлажиме. Влажноста на стапалата овозможува подобра еластичност на екстремитетите.

Прекумерното потење уште се нарекува хиперхидроза. Оваа состојба се појавува уште во пубертетот и почеста е кај жените.

Прекумерното потење може да биде толку изразено, и видливо, што може да предизвика срамежливост, комплекси, недостаток на самодоверба кај личноста кај која се појавило.

Состојби кои допринесуваат да дојде до прекумерно потење се:

  • стресните ситуации 
  • прекумерна тежина
  • наследни предиспозиции
  • проблеми со тироидната (штитната) жлезда
  • метаболни нарушувања
  • дијабет
  • хормонски нарушувања
  • преголем внес на никотин и кофеин
  • одредени лекарства, меѓу кои и антидепресивите….

За да се исклучи некој здравствен проблем, најдобро е веднаш кога ќе се примети состојбата, да се консултирате со доктор.

Мажите кои се потат премногу можно е да имаат ниско ниво на тестостерон, а жените ниско ниво на естроген, што го означува почетокот на менопаузата.

Откако ќе се исклучат здравствените проблеми, може да се премине на третирање на симптомот. Најдобар лек за засиленото потење е редовната хигиена со соодветни козметички средства, правилната исхрана, спортскиот живот, соодветна гардероба и чевли.

Некои користат антиперспиранти кои го спречуваат потењето. Најголем дел од нив содржат соли од алуминиум, цинк и циркониум, коишто ги стеснуваат порите и на тој начин спречуваат потење. Се нанесуваат навечер, а наутро треба да се одмијат за да немаат последици по здравјето. Сепак консултација со доктор најдобро ќе ви помогне при изборот на идеалниот метод за вашата состојба. Не е исклучена можноста за ботокс инекции, операција, ласерски третмани и сл. 

Засиленото потење најчесто оди во комбинација со непријатна миризба. Миризбата доаѓа од распаѓањето на некои материи што се наоѓаат во потта. Ако потта не се отстранува подолго време, особено во лето, се создава идеална средина за развој на бактерии, па кожата може и да се воспали, па покрај непријатната миризба да се чувствува и болка.

Најбезбедна секако е методата со употреба на дезодоранси кои ќе ја неутрализираат миризбата, а при тоа нема да ги затворат порите и да го спречат потењето. Но внимавајте, најчесто и дезодорансите содржат алуминиум и цинк, кои ја сушат кожата и можат да предизвикаат алергии; но и алкохол, којшто ја иритира кожата, особено непосредно по депилација. Затоа, внимавајте на состојките и одберете природни дезодоранси на база на билки.

Обрнете внимание уште на неколку совети кои ви ги препорачуваме за да немате проблем со непријатна миризба.

  • внимавајте на исхраната, одредени намирници предизвикуваат непријатна миризба при потењето, како пиперки, зачинета храна, кромид, лук и сл.
  • туширајте се со антибактериски сапун на база на билки, без хемикалии. Тој ќе допринесе за намалување на количината на бактерии на кожата и ќе го намали непријатниот мирис.
  • по туширањето избришете ја водата од целото тело со крпа, да остане кожата сува, како би се оневозможило создавање на средина погодна за развој на бактериите.
  • нанесувајте дезодоранс навечер пред да си легнете, кога потните жлезди се помалку активни. Наутро повторно ставете дезодоранс. Користете дезодоранси без алуминиум кој ги затвора порите
  • не користете антиперспиранти на веќе испотена кожа. Прво истуширајте се па потоа одберете што ќе ставите.
  • користете памучна облека
  • редовно отстранувајте ги влакната под пазувите
  • не носете чевли на боса нога, и не носете исти чевли 2 дена по ред.
 

Денес на пазарот има огромен избор на козметички средства за неутрализација на миризбата и за намалување на потењето. Кое ќе го одберете зависи од вас.

Наша препорака е секако нешто природно на база на билки, кое нема да ви ја иритира кожата. Нашиот избор е дезодоранс или ролон од Лимес, како за жените, така и за мажите и за децата.

Continue Reading Хиперхидроза

Лето, сонце, плажа. Зборови кои измамуваат насмевка кај сите, а најмногу кај децата. Тие се најрадосни покрај морето, со мама и тато, во песокта, со играчките. Тоа е можеби единствениот период во годината кога се сите заедно цели 10 дена.

Но сонцето колку е убаво толку е и штетно денес. Затоа родители, треба да знаете некои основни работи кога одите на одмор. Обавезно носете крема со висок заштитен фактор, по можност СПФ 50 и тоа водоотпорна. Децата обично не сакаат да се мачкаат со кремите, но затоа играјте ја нивната игра и дозволете им нив да бидат Ваши родители и прво тие да Ве намачкаат Вас. Тоа ќе ги израдува, па покрај забавата ќе имате можност и Вие нив да ги намачкате.

Освен костими за капење за поголемите деца, немојте да заборавате на заштитни очила  за сонце со висока UV протекција. Денес има секакви забавни очила, примамливи за секое дете. Исто така децата треба обавезно да ја заштитат главата со прекрасни, декоративни, летни капчиња, сламени шеширчиња или украсни марами. Помалите дечиња немаат потреба од костими за капење, а оние најмалите, односно бебињата можат да носат специјални гаќички за капење.

Неопходно е секако и седење под сенка, под чадор или специјални детски гумени или платнени шаторчиња. Тие се најдобра заштита за помалите дечиња.  Во нив може да ги ставите сите потребни акцесоари за играње во песок и вода.

И за крај, ако и покрај целата заштита, сепак се случи Вашето дете да добие изгореници од сонце, најдобра нега е со некој препарат кој има разладувачки ефект, но секако и ефект на брза епитализација и регенерација на кожата. Одберете природни производи на база на билки, без хемија, за дополнителна нега на кожата. Во Лимес може да најдете неколку такви производи не само за децата, туку и за вас родителите:

Continue Reading Дали и како на сонце 😎👒👙